سردیوں کی شام

خُنک شاموں کے ملجگے اندھیروں میں
درختوں کی ویران ٹہنیوں سے چھلکتا آسمان
ٹمٹماتے بُجھتے جلتے ستاروں سے مزین
کپکپاتا سا ٹھٹھرتا سا آسمان
بےنور سا بےرنگ سا آسمان
اے سرمگیں وسعت یہ تو بتا
وہ چندن سی چاندنی کیا ہوئی
وہ راگ کیا ہوا، راگنی کیا ہوئی
کھو گئی جو ان دھندلکوں میں
وہ میری کہانی کیا ہوئی
جوانی کیا ہوئی

رقصِ سودائی

اس سے پہلے کہ آنکھیں بند ہوں
چلو کوئی بات کر گزریں
ہوا کی تھپکیوں پر
اُڑتے پتوں کی مانند
خیال کا بہاؤ
پھر اُدھر موڑیں
جہاں ابھی بھی پھول کھلتے ہیں
جہاں رقصاں ہیں بہاریں آج تلک
جہاں روشنی کے دئیے جلتے ہیں

اے میرے نوحہٌ دل
وہ بےخبر
اسے کیا پتہ
نہ کہہ سکیں گے
نہ رہ سکیں گے

لوٹ آئیں گے پھر بن کہے
تیرے در کے بھکاری
اک بار پھر
جھولی خالی

#RandomThoughts

A life in the making:: First:

A life in the making:: First::   Bismillah, Hello, This is not a clique blog This is something... different Well that's the dream , my hope So This is a blog ...

توبہ

اللہ
اللہ تعالٰی
میں چھوٹا میرے گناہ بڑے
لیکن تجھ سے، تیری رحمت سے بڑے
ہر گز نہیں، ہر گز نہیں
تو معاف کرنے والا
تو عظمتوں والا
تو شان والا
میں مٹی کا کیڑا
مٹی مٹی ہو جانے والا
تو لازوال ہے
تو پاک ہے
میں ناپاک غلاظتوں والا
مجھے جھاڑ دے
میرے آنسوؤں کا خیال کر
میری ندامتوں کی لاج رکھ
مجھے رحمتوں میں سمیٹ لے
مجھے پاک کر
مجھے صاف کر
تو شان والا
تو عظمتوں والا
مجھے رحمتوں میں سمیٹ لے

زندگی کا کلائمیکس

آنکھیں........... بوجھل
بدن    ........... شکستہ
روح   ........... مظطرب

یادِ ماضی

عجب تماشہ ہے
جب رات گہری ہونے لگتی ہے
ساز چھڑ جاتے ہیں
بہتے نیلم اور جہلم کے ساز
چشموں سے بہتے جھرنوں کے ساز
بلاتے ہیں مجھے
جگاتے ہیں مجھے
بلند چوٹیوں سے اترتی یہ ہوا
چاندنی سی چمکتی یہ ہوا
ابھی بھی نوحہ خواں ہے
ان لمحوں کی
ان لفظوں کی
جو بیت کے بھی نہ بیتے...........

جناب خواجہ شاہد اقبال صاحب کے فرزند کی پیدائش پر

 کھول آنکھ زمین دیکھ فلک دیکھ فضا دیکھ
کونے سے ابھرتے ہوئے ٹنڈے کو ذرا دیکھ